"ඉගිල්ලෙන මාළුවෝ" චිත්‍රපටයේ කොතැනකවත් ඇමෙරිකාවවත්,චීනේවත්,රුසියාවවත්,ලංකාවවත් ලෝකේ හොඳම රට කියල හරි ලෝකේ තියෙන නරකම රට කියලවත් පෙන්වන්නේ නැත .ඒක ෆිල්ම් එක දැකලා නැති අය හිතන් ඉන්න හිතලුවක් පමණි .ලංකාව ලෝකේ හොඳම රට යැයි සිනමා කෘතියකින් හෝ දැක ගැනීමට ශ්‍රී ලාංකිකයන් කැමැත්ත දක්වයි.ඇමරිකානුවන්ද එසේය.(ඇමෙරිකානු ජනපතිවරයා තම රට අමතනුයේ "වර්ල්ඩ් ස් ග්‍රේටස්ට් නේෂන් "කියාය.අමෙරිකානුවෙකුගෙන් ඇසුවොත් ඔබගේ ජාතිය කුමක්ද කියා,ඔවුන් පිළිතුරු දෙනුයේ 'ඇමෙරිකානු'කියාය.ශ්‍රී ලාංකියකයුගෙන් ලැබෙන පිළිතුර 'ශ්‍රී ලාංකේය'ලෙස නොවේ,හැබැයි එසේ වුවා කියා ඇමෙරිකාව ලොව හොඳම රටවත්,ලංකාව නරකම රටවත් ලෙස කාටවත් නම් කල නොහැක.ලෝකයේ කොහේවත් පරිපූර්ණ රටක් නොමැත).
බොහෝ විට කුඩා කල සිට බොහෝ ශ්‍රී ලාංකිකයින් නරඹා ඇත්තේ ඇමෙරිකානු ජාතිය හොඳම යයි පෙන්වන වෘත්තාන්ත චිත්‍රපට හා ඉන්දියානු වෘත්තාන්ත චිත්‍රපටයි.එහෙත් බොහෝ දෙනා කියනා කරුණු අනුව සංජීව වාර්තා චිත්‍රපටයක් බව ඔබ සියලු දෙනා සිතාගෙන සිටී.සංජීව සාදා ඇත්තේ වාර්තා චිත්‍රපටයක් නොවේ. එය 'ඉගිල්ලෙන මාළුවෝ ' දැක නොදක කරන විචාර කරන්නන් හා අපහාස කරන්නන් අවබෝධ කරගත යුතු පළමු කරුණ වන්නේ 'ඉගිල්ලෙන මාළුවෝ ' යනු වාර්තා චිත්‍රපටයක් නොවන වගයි .'ඉගිල්ලෙන මාළුවෝ ' වෘත්තාන්ත චිත්‍රපටයකි .
වාර්තා චිත්‍රපටියක් ලෙස ලෝකයේම ලංකාව ගැන ප්‍රසිද්ධියක් පවතින්නේ චැනල් ෆෝ නාලිකාවෙන් ප්‍රචාරය කල චිත්‍රපටයයකි .වාර්තා චිත්‍රපටයක නාට්‍යයක පොතේ ගුරෙකු මෙන් 'නැරේටර්' කෙනෙක් සිටියි.ඔහු බොහෝ වේලාවට රූප රාමු වල පෙනී සිටියි .චැනල් ෆෝ ප්‍රචාරය කරන ලද "කිලින් ෆීල්ඩ්ස් " නම් චිත්‍රපටයේ නැරේටර් ලෙස සිටින්නේ ජෝන් ස්නොව් වේ.නිෂ්පාදනය කල ඇත්තේ ITN නම් ආයතනයකි . සංජීව පුෂ්පකුමාර මහතාට ද ත්‍රස්ත චෝදනා එල්ල කලේත් ITN නම් ආයතනයකි .
නමුත් මොරටුව විශ්ව විද්‍යාලයේ විද්‍යාර්තීන් විසින් එය වාර්තා චිත්‍රපටයක් ලෙස නොව වෘතාන්ත්ත චිත්‍රපටයක් බව වෙඩි හඬ වල ශබ්දය සම්බන්ධ තාක්ෂණික කරුණු වලින් ඔප්පු කළහ."කිලින් ෆීල්ඩ්ස් "අධ්‍යක්ෂක කැලම් මැක්රේ පුවත්පත් සාකච්චාවකට පිළිතුරු ලබා දෙමින් කියා සිටියේ ලංකාවෙන් ඒ සදහා පිළිතුරු දීමට ගිය පුද්ගලයා කිසියම් ප්‍රකාශයක් කිරීමෙන් අනතුරුව එම ශාලාවෙන් වහාම පිටවූ වගයි.කැලම් මැක්රේ ට අනුව ලංකාවෙන් ගිය නියෝජිතයා ඔවුන්ගේ ප්‍රශ්නවලට පිළිතුරු දීමට හෝ ශාලාවේ සිට නැත.පසුගිය අප්‍රේල් මාසයේ 2 වන දා කොළඹ කිංස්බරි හෝටලයේ පැවති සමුළුවකට සහභාගී වූ විධායක ශ්‍රේණියේ කළමණාකරුවන් පිරිසක් මේජර් ජෙනරාල් ශවේන්ද්‍ර සිල්වා මහතාගෙන් "මෙවන් ඩයස්පෝරාවේ ක්‍රියාවන් වලට එරෙහිව ශ්‍රී ලංකා ආණ්ඩුවට වැඩපිළිවෙලක් තිබෙන්නේද "යැයි විමසූ විට එතුමා පවසා සිටියේ "ශ්‍රී ලංකා ආණ්ඩුවට එවන් වැඩපිළිවෙලක් සංවිධානයක් නොතිබෙන බවත් ඩයස්පෝරාවට එපා වන තුරු එම ක්‍රියා කරගෙන යෑමට ඉඩ දෙන "බවයි .
සමහර විට එවන් වැඩ පිළිවෙලක් නොයෙදන්නේ ලංකාවේ මැතිවරණ වලදී ඡන්ද ලබා ගැනීමට බව කාට හෝ සැකයක් ඇතිවීම නොවැලක්විය හැකි හේතුවකි.මන්දයත් ජාත්‍යන්තර කුමන්ත්‍රණ වලක්වමු යනුවෙන් ලක්ෂ, කෝටි ගණන් වියදම් කර රට පුරා පෝස්ටර් ඇලවීම හාස්‍යට කරුණකි.හොඳම විහිලුව වනුයේ රාජ්‍ය මාධ්‍ය ආයතන වල සේවය කල /කරන අධිකරණයේ අපරාධ වරෙන්තු ඇති පුද්ගලයන් සංජීව පුෂ්පකුමාරට එරෙහිව පෙළ පාලි යාමය .ඇත්ත වශයෙන්ම පුද්ගලික න්‍යාය පත්‍ර අනුව ක්‍රියා කිරීමෙන් හා නියමිත ජාත්‍යන්තර වැඩපිළිවෙලක් නැතිවීම මගින් අපහසුතාවයට පත්වන්නේ වත්මන් තරුණ පරපුර හා ඉදිරි අනාගතයයි.
සංජීව පුෂ්පකුමාර මහතාට මෙන්ම අනෙකුත් උගත් සිනමා රසිකයන්ටද විඳින්නට සිදුවූයේ මේ දේශපාලන කරුමයකි.මා මෙහි උගත් යනුවෙන් සදහන් කලේ වාර්තා චිත්‍රපටයක් හා වෘතාන්ත චිත්‍රපටයක් යන්න පිළිබදව නොදැන කලා කෘතියකට අවමන් කරමින් දේශප්‍රේමින් වන්නට දතකන සිරී ලාන්කිකයන් සිටින බැවිනි .වෘතාන්ත චිත්‍රපටයක් තහනම් කිරීම මගින් ආණ්ඩුව අහක යන කුණු ගොඩක් ද ඔළුවේ දාගත්තේය.මෙය තනහම් කිරීමෙන් ලැබුණු එකම හොඳ නම්,විශාල ජාත්‍යන්තර ප්‍රසිද්ධියක් "ඉගිල්ලෙන මාළුවෝ" චිත්‍රපටයට ලැබීමය.